Son sì ch’i penso come a sarìa bel
passé ‘l Natal ‘nt na bàita solitaria.
Sentime tuta quanta fongà ‘nt l’aria
ch’a l’ha santor ëd Cel.
Sentime bate ‘ndrinta un cheur bërgé
ch’a sia polid coma l’eva corìa
e da la gòj ëd Giusep e Maria
lasseme trasporté.
Son sì ch’i penso ch’a sarìa pro bel
passé ‘l Natal ‘nt na bàita solitaria,
dova che la pì bela luminaria
fussa cola dle stèile …
… acompagnà da lerme vische ‘d cel
ëd mie parpèile.
Marisòt (Marisa Chiorino)
NATALE SI AVVICINA
Son qui che penso come sarebbe bello
passare il Natale in una baita solitaria.
Sentirmi completamente immersa nell’aria
che ha profumo di Cielo.
Sentirmi battere nel petto un cuore pastore
che sia pulito come l’acqua corrente
e dalla gioia di Giuseppe e Maria / lasciarmi trasportare.
Son qui che penso che sarebbe veramente bello
passare il Natale in una baita solitaria,
dove la più bella luminaria
fosse quella delle stelle …
… accompagnata da lacrime accese di cielo
delle mie palpebre.